Politikken

Her kan du lese det fullstendige partiprogrammet

Vågåpakka - vilje og handlekraft

Vågå Arbeiderparti lanserer Vågåpakka, som eit samlebegrep for tiltak vi meiner skal bidra til  å sikre  innbyggjartalet i Vågå kommune.Sist år gjekk folketalet i Vågå ned med 59 innbyggjarar. Dette var våre naboar, dei hadde barn på skulane, handla i butikkane og deltok på dugnadar. For kommunebudsjettet utgjer dette eit inntektstap på nesten 6 millionar kroner! Det trengs både vilje og handlekraft for å stoppe denne utviklinga.

Vågåpakka er ein serie med tiltak som tek for seg følgjande hovudområde:

• Bustad. Etter vår meining, er dette den aller største utfordringa i dag. Vi manglar bustadar i alle kategoriar. Dette gjer at vi mister innbyggjarar, både dei som allereie er her og potensielle tilflyttarar.
• Arbeid. I dag har vi låg arbeidsløyse, og det er etterspørsel etter arbeidskraft nær sagt overalt. Likevel må vi ha eit næringsliv som veks og trivst. Vi skal ta vare på det som alt er her, og samtidig legge til rette for nye etableringar og satsingsområde.
• Vågåsamfunnet. Vågå skal vera ei trygg og god kommune for både unge og vaksne. Dette betyr at vi må ha ein god skule og tilby ein trygg alderdom. Samstundes vil vi  at Vågå skal vera ein attraktiv plass å bu for alle – både for at vi skal behalde innbyggjarane våre og  tiltrekke oss nye.

Gjennom Vågåpakka vil vi lansere konkrete tiltak som vi håpar du vil vera med å støtte opp om. Her treng vi vilje og handlekraft!